ڕۆژا چارشەمبی ڕێککەفتی ( ٣١-٥-٢٠٢٣ ) سەرۆکێ زانکۆیا زاخۆ بەرێز (پ. د. ناظم سلێمان عبدالعزيز) پشکداری  د سێیەمین كونفرانسێ سەرۆكێن د ئێكەتیا زانكۆیێن عەرەبی و روسیدا كر ل وەلاتێ ئیماراتێ. هەژیە بێژین ( ٢٠٠) زانكۆ و كەسایەتێن جیهانی  پشکداربوون د ڤی كۆنفرانسیدا.

مەرەم ژ كۆنفرانسێ ناڤبری پتر مفا وەرگرتن ژ شیانێن ئەكادیمی یێن وان زانكویان و دارشتنا پلانێن هەڤپشك ژ بو پێشئێخستنا پەیوەندیێن دناڤبەرا زانكۆیێن ناڤبریدا.

پاشان د ڕێورەسمەكێدا یاداشتنامەیەکا لێکتێگەھشتنێ دناڤبەرا زانكۆیا زاخۆ و  زانکۆیا (شارقە)یا ئیماراتی هاتە ئیمزاکرن. مەرەم ژ ڤێ یاداشتنامێ بەشداریکرنا ستافێ ئەکادیمی یێ ھەردوو زانکۆیا د سەرپەرشتیکرن و گەنگەشەکرنا نامێن ماستەر و دکتورایێ. هەروەسا  بکارخستن و مفا وەرگرتنا ھەردوو ئالیێن ھەڤبەند د سەرەدانا تاقیگەھ و پشک و سەنتەران و  پێكڤە كاركرن ل سەر شێوازێن گهورینا پڕۆگراما و لێكگوهارتنا ستاف و قوتابیێن هەردوو زانكویان. ل دوماھیێ ھەردوو ئالیان خوشحالیا خۆ دەربرین و خواست ئەڤ یاداشتنامە ببیتە فاکتەرەك بۆ پتر پئشئێخستنا کەرتێ خاندنا بلند ل ھەردوو زانکویان.